उत्तर माढ़े हे सवाल के

छत्तीसगढ़ी ग़ज़ल 

उत्तर माढ़े हे सवाल के 

हो गे  चुनाव  ये  साल के।
उत्तर माढ़े हे,  सवाल  के।

बहुत चिकनाईस  बात  मा
चिनहा ह दिखत हे, गाल के।

आज हम कौन ल सँहरावन
जम्मो  हावै  टेढ़ा  चाल  के।

किस्सा सोसन के भूला  के,
रक्खौ लहू  ला  उबाल  के।

झन धरौ कौनो के  पाँव  ल,
अपन ला रक्खौ सँभाल के।

बलदाऊ  राम साहू

सुरुज नवा उगा के देखन

सुरुज नवा उगा के देखन,
अँधियारी भगा के  देखन।

रोवत रहिथे   कतको इहाँ,
उनला हम हँसा के देखन।

भीतर मा सुलगत हे आगी,
आँसू  ले  बुझा  के  देखन।

कब तक रहहि दुरिहा-दुरिहा,
संग  ओला  लगा  के  देखन।

दुनिया  म कतको  दुखिया हे,
दुख ल ग़ज़ल बना के देखन।

बलदाऊ राम साहू

प्यार     गँवागे,
बढ़गे   नफरत।

मनखे     लोभी,
उनकर फितरत।

सच    के   रद्दा,
हावै     आफत।

चारो        डहर,
गफलत-गफलत।

ये   दुनिया  मा,
दुखिया औरत।

इहाँ  कौन  ला,
हावै   फुरसत।

गदहा     खावै,
हर दिन दावत।

‘बरस’ कौन कर,
करें   शिकायत।

बलदाऊ राम साहू

ग़ज़ल

छत्तीसगढ़ी

कौन  हाँसही,  कौन  ह गाही,
कौन हर अपन धरम निभाही।

नाव बिना, पतवार  बिना जी,
कौन  हर  गंगा  ल  नहकाही।

जग के  खेवनहार  जउन हे,
उनला   केंवट  पार  लगाही।

सपट के बइठे इहाँ  सिकारी,
कइसे  पंछी   मन  हर गाही।

सबके सब बइठांगुर  हे  तब,
सरहद कौन लड़े  बर  जाही।

 बलदाऊ राम साहू
सपट= छुपकर, बइठांगुर= निकम्मा।

तोर-मोर बीच के करार लिख देतेन।
छुटपन के हमर तोर प्यार लिख देतेन।

तोर बिना मोर ये जिनगी बेकार हे
पंछी बर रूख मा ढार लिख देतेन।

जिनगी मा सुख-दुख आवत अउ जात हे
ओला बिसार के तिहार लिख देतेन।

चार महिना जियेन त बारेन दीया ल
अँधियारी के नाम हम हार लिख देतेन।

जिनगी मा कतको बँबूरी अउ बोरई
दूनो हम मिलके सार-सार लिख देतेन।

बलदाऊ राम साहू
9407650458

तोर, मोर = तुम्हारे, मेरे, करार =इकरार/अनुबंध , छुटपन=बचपन, बर = क लिए, रूख=पेड़, ढार=पड़ाव, बिसार के ओला= भूलकर उसे, तिहार = त्यौहार, जियेन=जिये, बारेन= जलाये,

शिशु गीत

(1)

चिड़िया आई, चिड़िया आई,
गीत  सुनाने  चिड़िया  आई।

पंख    पसारे  आती  है वह,
दाना चुग-चुग खाती है वह।

कभी-कभी लालच में आकर,
फंदे में फँस  जाती   है  वह।

(2)

बड़े   रसीले   होते    आम
कुछ सस्ते, कुछ महँगे दाम।

चौसा और दशहरी, लँगड़ा
तरह-तरह के इनके   नाम।

एक  कहावत  सुनी  है  हमने,
आम के आम गुठलियों के दाम।

बलदाऊ राम साहू

छत्तीसगढ़ी गज़ल 

सुरता  के  डोरी  ला  लमाए  रख।
मन के बात ल मन मा छुपाए रख।

जिनगी मा सुख के गजब दिन देखेन,
सबे  ल नहीं,  आधा  ला  बचाए रख।

जखम कतको रहाय अपन दिल मा,
दिल के पीरा ल दिल मा दबाए रख।

मने-मन म कतका गुनत रहिथस तैं हर,
भीतर  मा  भाव  सुघर  जगाए  रख।

‘बरस’ ये दुनिया हरे चारेच  दिन  के
ओकर संग मा लव तैं  लगाए  रख।

बलदाऊ राम साहू

छत्तीसगढ़ी ग़ज़ल 

गोरी होवै या कारी  होवै। 

सारी तब्भो ले प्यारी होवै।

अलवा-जलवा राहय भले जी

एकठन हमर सवारी होवै।

करन बड़ाई  एक  दूसर  के 

काकरो कभू झन चारी होवै। 

राहय भले घर टुटहा-फुटहा

तब्भो ले ओ फुलवारी होवै।

बेटा कड़हा - कोचरा  राहय

मंदहा अउ झन जुवारी होवै।

'बरस' कहत हे  बात  जोख  के,

जिनगी म कभु झन उधारी होवै।

बलदाऊ राम साहू 

तब्भो = तो पर भी, अलवा-जलवा= समान्य, चारी= निंदा, कड़हा-कोचरा =अनुत्पादक, मंदहा =मद्यपान सेवन करने वाला,

नव गीत 

नव गीत 

कुछ पाने की आस में 

हम तो बैठे रहे किनारे 

कुछ पाने की आस में. 

कौन यहाँ पर शोर कर रहा 

कौन बजा रहा बीन 

किसका खो गया राजपाट 

कौन किसके आधीन 

किसको मिला राजसिंहासन 

कौन गया वनवास में 

किसने चौसर चाल बिछायी

किसने दाँव लगाया 

किसने बाजी मार ली है 

कौन यहाँ पछताया 

कौन है जो राह तक रहा 

दूसरों के विश्वास में. 

करम पच्चीसी लिखी हुई है 

सबके माथे में

जय-पराजय,  सुख-दुख सब

होते हैं खाते में 

कोई उत्सव मना रहा है 

कोई है आवास में.

बलदाऊ राम साहू

छत्तीसगढ़ी ग़ज़ल 

उन मन तो मालामाल होवत हें।
जनता जम्मो कंगाल  होवत हें।

हमन तो  डार  बरोबर  पतझर  के,
फागुन कस ओमन लाल होवत हें।

ओमन हर तो जी फरत-फूलत हें,
हमरे  तो   बारह हाल  होवत  हें।

करिया-करिया तो हम मन दिखथन,
उन  मन  गोरी  के  गाल  होवत हें।

हम   तो  होगेन   छोटकन  उत्तर,
ओमन ह बड़का सवाल होवत हें।

बलदाऊ राम साहू

छत्तीसगढ़ी ग़ज़ल

धरती ले सब मया नँदागे, का कहिबे।
घर-घर मा बइरासू आगे, का कहिबे।

दाई-ददा मन घीरलत हे, जिनगी भर,
लइका मन के चेत हरागे, का कहिबे।

अपन हाथ मा काम सिधही कहिथे जी
अब तो लोक के गियान परागे, का कहिबे।

मीत दिखथे सुवारथ के, ये दुनिया मा
अंतस के सब भाव सिरागे, का कहिबे।

बइरासू=बाहरी हवा/नकारात्मक विचार, नँदागे= विलुप्त, घीरलत हे= घसीट रहे हैं, परागे= खो गए, सिरागे=खत्म हो गए हैं,

बलदाऊ राम साहू

अंतस मा उल्लास हावै

छत्तीसगढ़ी ग़ज़ल

मन मा जब तक अहसास हावै जी।
अंतस मा  सब  उल्लास  हावै  जी।

कब तक खोजहु तुम बाहिर-बाहिर,
जम्मो    तुहरेंच   पास   हावै   जी।

सच हर  हाँसत-मुसकावत हे जब
काबर  मन  हर  उदास  हावै  जी।

 अंतर  मन  ले कल लेवौ  दरसन,
 लकठा कासी  कैलास  हावै  जी।

राम  बसे  हे  तोर मन म जब तक,
'बरस' के मन ह उजास  हावै  जी।

लकठा= निकट, तुहरेंच =तुम्हारे।

बलदाऊ राम साहू

सुन मितान छत्तीसगढ़ी ग़ज़ल

नेता  मन  सब चतुरा होगे, सुन मितान।
जनता मन सब बपुरा होगे, सुन मितान।

ये  जुग  मा  सब  उलटा-पुलटा  लागत हे,
टिमकी मन सब दफड़ा होगे, सुन मितान।

आनी-बानी, किसम-किसम गोठियावत हे,
चमचा मन सब  चपड़ा  होगे, सुन मितान।

बात  इहाँ  के उहाँ  लुहावत  रहिस ओमन,
बिन मतलब के लफड़ा होगे, सुन  मितान।

बलदाऊ राम साहू

मोर संग मिले के बहाना बना ले

मोर  संग   मिलके  बहाना  बना ले,
नइ हे नवा  तब  तैं  पुराना  बना ले.

तोर मन ले मोर  मन मिल जही संगी,
आभा मारे बर तैं  कोनो गाना बना ले.

सोझ-सोझ कहे मा सरम घलो आथे,
पहिदा  कहे   बर  तै   हाना  बना  ले.

जिये-मरे  के  देखे  रहेन  सपना  हम,
 तैं  ह   मोला अपन  दीवाना  बना  ले.

लुका-लुका के  हम कब तक मिलबोन,
परगट मिले बर तैं  हर  ठिकाना बना ले.

तन-मन  मोरो चिटिक जुड़ा जाही संगी,
मोर भुजा ल  तैं  हर  सिरहाना  बना  ले. 

@बलदाऊ राम साहू

झन सँहराहू छत्तीसगढ़ी ग़ज़ल

छत्तीसगढ़ी ग़ज़ल

फूल समझ  के  झन  सँहराहू  धथुरा हे,
टमड़ के देख लौ दिल, ओकर पखरा हे।

सोच समझ के देहू  तुमन बिचार अपन
कौनो करिया, धँवरा  कौनो  कबरा  हे।

पीट-पीट  के  छाती जउन गोठियात हे,
झन समझहूँ दुखिया, ओमन  बपुरा हे।

बात-बात मा आँसू जउन बोहात  हावै,
सच कहत हौं नइ हे सिधवा, चतुरा हे।

कसम देस के खावत हे जउन मनखे मन
‘बरस’ कहत हे पक्का ओमन  लबरा  है।

झन सँहराहू= प्रसंशा मत करना, धथुरा=धतूरा , धँवरा=धवल, बपुरा = चालक, सिधवा= सीधा
बलदाऊ राम साहू 

धरती ले मया नँदागे

धरती  ले  मया  नँदागे,  काबर  कहिथस।
घर-घर म बइरासु आ गे, काबर कहिथस।

छत्तीसगढ़  म  गुरुतुर - गुरुतुर  भाखा  हे,
भाखा-बोली हमर परागे, काबर कहिथस।

कभु  नइ  टूटय  मया-पिरित  के  डोर इहाँ,
नाता-रिस्ता सब छरियागे, काबर कहिथस।

सब  के  घर  म  देवारी  के  दीया  बरत  हे,
अँधियारी ह भीतरी आ गे, काबर कहिथस।

'बरस' सबो  दिन  एक  बरोबर नइ होय जी,
जम्मो हमरे  भाग  नठागे, काबर  कहिथस।

बलदाऊ राम साहू

पहली सहीं सियान नँदागे

छत्तीसगढ़ी ग़ज़ल 

पहली सहीं सियान नँदागे 

अब तो संगी गियाना नँदागे। 

पहलीसहीं  सहीं  सियान  नँदागे। 

काकर मानी ल  हम  पियन,

बिस्वास हमर,मितान नँदागे।

 

कौन  इहाँ  जाँगर  टोरत  हे ,

मिहनतकस किसान  नँदागे। 

लबरा मन सब  नेता  बनगे, 

सब करगा  हें, धान  नँदागे। 

मिथिया हे सब कहना इहाँ,

मनखे के सुभिमान  नँदागे। 

बलदाऊ राम साहू 

सियान= बुजुर्ग/मुखिया, काकर मानी ल हम पियन = किस पर विश्वास करें, सहीं=की तरह, करगा = धान का प्रतिरूप पर धान नहीं,मिथिया=मिथ्या।

सुरुज नवा उगईया हे (छत्तीसगढ़ी ग़ज़ल)

छत्तीसगढ़ी ग़ज़ल ऊपर-ऊपर सँवारथस काबर, फोकट सेखी बघारथस काबर। ढ़ाई आखर परेम के होथे, तैं हर ओला नकारथस काबर। काल के मुंह म जाना हे सब ला, छीपे रहस उघारथस काबर। मनखे हरअस तब मनखे कस रह, अपने इज्जत उतारथस काबर। ‘बरस’ कहत हे अनमोल समय हे, समय ला अपन गँवाथस काबर। बलदाऊ राम साहू काबर= क्यों, फोकट=व्यर्थ, सेखी बघारथस= आत्म प्रसंशा, रहस=रहस्य, उघारथस= खोलते हो। हरअस = हो तो

हिंदी ग़ज़ल इंसानों के मन में कितनी उलझन है। कठिन राह पर चलना ही तो जीवन है। सुख औ’ दुख तो यूँ ही आते-जाते हैं। घर-आँगन ही सबका नंदन-कानन है। फूल खिले थे नन्हे-नन्हे, क्यारी में आज वहीं भाई-भाई में अनबन है। आसमान में उड़ने की आजादी है पर अपनों से प्यार जताना, बंधन है। जाति-धर्म के बीच दूरियाँ है लेकिन इस दूरी को और बढ़ाना, लघुपन है। कैसे हासिल राह अमन की सोचें अब झाँकें अपने भीतर, जो मन दरपन है। बलदाऊ राम साहू

बाल गीत आओ मिलकर बात करें आओ मिलकर बात करें हम होली में। रंगों की बरसात करें हम होली में। धोएँ मन का मैल,हास -परिहास करें, बिन मतलब दूसरों का न उपहास करें। ज़ज्बातों का मान करें हम होली में। आओ मिलकर बात करें हम होली में। जुम्मन अलगू गले मिलें औ' प्यार करें, आपस में ना झगड़े, ना तक़रार करें। सद्भाव की लिखें इबादत हम होली में, आओ मिलकर बात करें हम होली में। अलग -अलग हों फूल, गंध अलग हों, चाहे गीत ,लय और सब छंद अलग हों। भावों का बस, मिलाप करें हम होली में, आओ मिलकर बात करें हम होली में। @बलदाऊ राम साहू 9407650458

छत्तीसगढ़ी बाल गीत होली खेलो - कूदो, नाचो - गाओ होरी मा। मस्ती के सब रंग लगाओ होरी मा। जिनगी मा कतको दुख-पीरा आथे जी उन सब ला झट तुम बिसराओ होरी मा। कब तक धरे रहिहु तुम जुन्ना बात इहाँ, नवा - नवा बिचार जगाओ होरी मा। जात-धरम के झगरा-झंझट ला छोड़व, बने पियार ले गला लगाओ होरी मा। दुखिया मन के मन मा उछाह छा जाही ऊँकरो दुख ला होरी बारौ होरी मा। बलदाऊ राम साहू

छत्तीसगढ़ी ग़ज़ल घर-आँगन मा दिया बरे, तब मतलब हे। अँधियारी के मुँहू टरे, तब मतलब हे।। मिहनत के रोटी हर होथे भाग बरोबर, जम्मो मनखे धीरज धरे, तब मतलब हे। दुनिया कहिथे ओ राजा बड़ सुग्घर हे, दुखिया मन के दुख हरे, तब मतलब हे। नेत-नियाव के बात जानबे तब तो बनही अतलंग मन के बुध जरे, तब मतलब हे। सबके मन मा हावै दुविधा ‘बरस’ सुन ले, सब के मन ले फूल झरे, तब मतलब हे। बड़=बहुत;नेत-नियाव =नीति, अतलंग=उपद्रवी, बुध=बुद्धि। , बलदाऊ राम साहू

आफ़ताब की क्यों शिकायत करें, मिलजुल कर हम सब इबादत करें. ये चाँद, तारें, जमीं है यहाँ पर, इन्हीं से सभी आज उल्फ़त करें. वतन के हैं दुश्मन उन्हें कहें क्या वतन की मगर हम हिफ़ाजत करें. दहशत के साये में कब तक जियें , सरों को कटाने की हिम्मत करें. गगन में परिंदे उड़ें जिस तरह, बेडि़याँ तोड़कर अब बगावत करें. यहाँ लोग हैं सिर्फ मौका-परस्त , भला कैसे इनसे मुहब्बत करें. स्वयं ही बनाएँ चलो नए रास्ते ईमाँ की राहों में बरकत करें. सयाने खफा़ हैं भला क्यूँ 'बरस’ लौटा है बचपन शरारत करें. @बलदाऊ राम साहू

छत्तीसगढ़ी ग़ज़ल

 घर-आँगन मा दिया बरे, तब मतलब हे।
 अँधियारी के मुँहू टरे, तब मतलब हे।।

 मिहनत के रोटी हर होथे भाग बरोबर,
जम्मो मनखे धीरज धरे, तब मतलब हे।

 दुनिया कहिथे ओ राजा बड़ सुग्घर हे,
 दुखिया मन के दुख हरे, तब मतलब हे।

 नेत-नियाव के बात जानबे तब तो बनही
 अतलंग मन के बुध जरे, तब मतलब हे।

 सबके मन मा हावै दुविधा ‘बरस’ सुन ले,
सब के मन ले फूल झरे, तब मतलब हे।

बलदाऊ राम साहू

 बड़=बहुत;नेत-नियाव =नीति, अतलंग=उपद्रवी, बुध=बुद्धि। , बलदाऊ राम साहू

छत्तीसगढ़ी ग़ज़ल एक बेर मदिरालय मा, आ जातेस उप्पर वाले। दरुहा मन ल बइठ के तैं समझातेस उप्पर वाले। जिनगी के बिस्वास गँवागे ऊँकर मन म लागत हे, मिल-बइठ के अंतस मा,भाव जगातेस उप्पर वाले। हरहिंसा जिनगी जीये के भाव कहाँ समझथे ओमन, सुख-दुख संग जीये के तैं आस बँधातेस उप्पर वाले। तँही हर डोंगहार अउ डोगा के चतवार तँही हस, बुड़त मनखे ला तैं हर, पार लगातेस उप्पर वाले। दरुहा =शराबी, गँवागे =गुम गया, हरहिंसा =निश्चिंत; चतवार=पतवार, हस= हो, डोंगहार =नावीक, डोंगा= नाव, बुड़त =डूबते हुए। बलदाऊ राम साहू