दिया तरी अँधियारी हे


काम    कहो,  सरकारी  हे जी,
संग    अपन    गद्दारी   हे जी.

लुटत  हवय  लुटईया  मन  हर
कहत   हवय   बइपारी   हे जी.

जउन मन ह खँचका ला खानिस,
ऊँकर  ले   अब   यारी   हे  जी.

जेकर  जस  मनखे   मन   गाथे,
वोकर      भारी  छाती   हे   जी,

जउन  ह  सिधवा  मनखे  हावय
उन्कर   खातिर    चारी   हे  जी.

देस  ल फोकला जउन करत हें,
उन्कर    घर    देवारी    हे  जी.

परगट    मरजाद   बेंचावत  हे,
काल  अपन  के   बारी   हे जी
 
'बरस' कहत  हे  जबर  इहाँ  रे,
दिया  तरी   अँधियारी   हे  जी,

-बलदाऊ राम साहू
 मो 9407650458